يا مصر بنحبك
وبنحب ولادك
×××××××××××××××
يا مصر يا اللي شايلة
الكل فوق راسك
وفي حزنك وفي
فرحك منصورة
مهما حصل
أو جرالك
كاسرة عين كل اللي نهبوك
وكل أعدائك
واللي خدوا خيرك
ونكروا جِميلك و أفضالك
ومهما سرقوا من خيرك
حتفضلي مليانة
بكنوزك جوة أحشائك
دا انتي قوية وعظيمة
وبتقهري كل اللي ظلمك
أو خانك
يا اللي هواك عليل
بيشفي كل اللي بيمر على بابك
بيوتك حيطانك ناسك
صورة مرسومة بلوحة من جمالك
حضارتك عراقتك أصالتك
مبادئ ملهاش زيها من أمثالك
خف دم شعبك
طالعة من سمار طين ترابك
ميادينك أسفلتك سراير بيرتاح
فيها التايه على أوسادك
أشجارك ظل ظليل
بيظلل على كل أحبابك
اِسمك بيرن بودان كل
اللي بيسمع نغمة من أنغامك
مصر يا أم الأمن والأمان
ملعون كل اللي هانك
يا حضن دافي فية
قلب الحنان لكل أولادك
تعيشي وتعيش كل الرجالة
اللي رفعت راية أمجادك
ويفضل علمك منور الكون
وبيشع بإلهامك
ويعيشوا ولاد بلدي
اللي حققوا كل انتصاراتك
وتحية لجيشك يا بلدي
اللي حامي تراب أركانك
وسلامي للي رفع حروف اِسمك
ترفرف على راياتك
بقلمي
أديب وشاعر مهندس/محمد عوض
12/9/2026
ليست هناك تعليقات:
إرسال تعليق