الإخو شمعة بخت
المحنّة مو جبر أصل و نسب و إحساس
حلات الإخو من يوگف مع أخوانه
إمكمّل مثل إبوه ما يخطي العازات
يضل بيرق لخوته إمسلّي ديوانه
ما يلبد إبوكت الأزمة ما ينحاش
يلم ربعه ايتنومس كلهه صدقانه
ما يحرگ سلف ما يكذب و موهوب
الصدگ نور الوجه مرسومه بـأركانه
عجيد ولا يناطي الجاهل و مرعوب
إمن الگال و گلت هم يعجد السانه
تعلِّم درس قاضي گعدت الخوّان
تحسن أجيال ، موگد شرف جيرانه
ما ياخذ كلام البيه أذيّه و نار
يضمد إجروح إخوته و يشفي وليانه
يحمد بـإلربع ما ذل طفل لا شيخ
مرايه ايصير يرسم بيهه ألحانه
شهم وكت المصايب لو لفت للدار
يفك باب المضيف و يضبط إرسانه
ما يقضي إبهواء نفسه إبطمع دينار
يحكم بـإلعدل و ايثبّت إعلانه
يدگ ثاية الوجوده و ما يضر النّاس
الخلگ كلهه أحبابه و يكتم أحزانه
ما أريد إلإخو يستشهد إبعدوان
و ماريده لون معروفه بقرانه
أريدنّه بطل لو طب ثنيتي الضّيم
يوگف و گفه وحده و زايد ايمانه
ما أريده يوچوچ يطلب العتتبات
أريدنّه شجاع و يترك إفلانه
ما ياخذ حچي إمريته و ينسه الطّيب
أريد الخوّه دم يجري إبشريانه
لا يخذل عمامه ايرحّب الخطّار
لا يطرد فقير إيحلّي ملگانه
يعلّي صيت إخوته و أهله بين النّاس
لا يخلق فتن و ايراوي ضرعانه
هذاك الچان بيرق عام اليملكون
لعنه إعلى السباه و فرهد إعنانه
إعيون اتعاين إبدرب الثّقافة إعلام
و يا وسفة النطلبه ذهب ما جانه
محتاج الوطن جامعة إتخرج أحياد
مو مخبر عميل إيضيّع إربانه
الوحدة أصل النّجابة إتراعي المحتاج
إيد إبـإيد نهتف نخرج أسرانه
البخت ما هو وليمة البطن خبزت جوع
البخت لأصل العروبة الضرّه دفّانه
چندوب إنتهاوش و الستر مو عيب
و أعداء العروبة بينه بلعانه
شیل ايدك و صيح النّجدة وكت الضّيج
توصل لك شباب إبغيرة مليانه
خلّونه إنتكاتف شعب دون إرباك
و نكافح كل ظلم يوصل ثنايانه
أحباب إحنه و أصلنه إمن النبي المختار
رسالة إمن الله عنده و يخسى من هانه
الدّنيا ما تواسي الزّاهد و طمّاع
الدّنيا إتريد حاكم يحكم إبشأنه
ملّينه تعبنه الذّلة ما تنشال
على ظهر المنايا الضّدنه سمّانه
عرس عدنه الوطن لو هز گذلته الرّوج
و فرح عدنه الأمن لو ثبّت أركانه
بسنه إمن المنايط و الزّعل و العار
سلام إندوّر إحنه و جالس إحذانه
نحنُ خير إمة أُخرجت للنّاس
نطفّي إحروب وجّت كلمن أنخانه
نريد أصل الكرامة إبعالم الأحرار
و نريد القادة مسئولة إبخطايانه
الما يندل طريجه للگبر ملفاه
يموت إبلا حماسة و ربنه دلّانه
أويلي و گلبي أبيض مثل دمعة ماي
ما أحب الخباثة و جنسي مرجانه
الشّاعر دوم مسئول إعلى أمن النّاس
لا يكتم بخت من يفضح إبخانه
الإخو شمعة بخت يضوي إبدرب خجلان
ما أريدن أخو يخلف وصايانه
د : جاسم محمد الحسّاني 12/09/2026
ليست هناك تعليقات:
إرسال تعليق