♕ بلغوها ♕ بقلم الشاعر : أحمد إسماعيل
بلغوها
بلغوها انى نسيتها خلاص
ومات احساسى وياها
حطام مبنى ومالو اساس
وليه ياقلبى تهواها
كرهت الحب ببعادك
وضاع العمر بعنادك
رفضتى قلبى وكسرتيه
وحتى النبض دمرتيه
مابين دمعى واحزانى
مين المظلوم؟ مين الجانى
انا عصفور حبيس حبك
وقلبك هو سجانى
يا الف خساره ياقلبى
لان الصدق كان ذنبى
بلغوها انى مسافر دون رجوع
مش راح ارضى مره تانيه بالخضوع
مش هذل فى قلبى تانى
وبلغوها مستحيل تسكن كيانى
اللى سابتنى وسط الامى وجراحى
مستحيل ياقلبى تانى نعود لها
بلغوها ان رجوعها مستحيل
لو فى يوم حاولت تعودلى من جديد
من سجل ذكرياتى اشطبوها
شعر أحمد اسماعيل / شاعر العرب
تعليقات
إرسال تعليق