♕ الحياة من غيرك مش حياة ♕ بقلم الشاعر : محمد حسنين أبو المجد
شعر حلمنتيشى
**********
الحياة من غيرك انتى مش حياة
بس لما تكونى رايقة
ضحكتك ياحلوتى طوق للنجاة
حلوة دايما والحلاوة بيكى عايقة
ولدلالك والله سايقة
عارفة انتى كنتى ليا شمس ايامى وعمرى
انتى ظلى وانتى راحتى وانتى قمرى
والكلام منك بيبسط بس لما تبقى فايقة
والسلام لو بالعيون
بافهمه واستنى اتكلم معاكى
لما افارقك يوم راح أشعر بالجنون
زى طير مجروح و تايه فى سماكى
والنسيم الحلو باتنفس ياحلوة من هواكى
بس لما ترضى يوم واحد عليا
لما اجوع باشبع بكلمة من كلامك وان عطشت القى قربك احلى ميه
والرسالة منك انتى شىء جميل ولا رنة يوم عليا
ألقى تليفونى بيرقص فى ايديا
حتى رناته بتضحك لما يعرف الرسالة ديا منك
والحروف برضه تنور ياحياتى نيابة عنك
والحياة تحلو بيكى لو بلمسة ايد لمستيها لايديا
عارفة نص حياتى فارغة
بيكى تبقى تملى مليانة وتصبح مية مية
انتى نعمة من ربى وربى انتى لى اجمل هدية
************
وعجبى
بقلم محمد حسنين أبو المجد
تعليقات
إرسال تعليق