( حاجات كتير )
الدنيا مقسومه جوه منى
لحاجات كتير
فيها حيره وايد قصيره
وفيها هم سنين عجاف
فيها عيشه بقصر حيله
وفيها نومه بدون لحاف
فيها كمان ناس بتقسى
وفيها ياما حاجات ولسه
ماشفنهاش
فيها وشوش مليانه كدب
بيعيشوك ك سد خانه
بيقوموا بدورهم تمام
والصح صعب لينا نشوفوه
من خداع بيمثلوه
فيها كمان آهات وجع
وفيها حاجات مابيكملوش
فيها ايام سرقت فرحنا
ويصرخ فينا ١٠٠ آلم
عايشين يادوب نلم جراحنا
مليانين هم وندم
نبيل ابو رامي الاسواني
٢٠٢٥/٩/٣٠
ليست هناك تعليقات:
إرسال تعليق