زجل قصيد باللهجه العاميه اللبنانيه
...............
نقشة خيال
..............
شو قيمت الجوهر إذا غطىٰ حصوا
حريق الشمس والعس أكل نصوا
إذا الجوهر ما بيرهج ببريقوا
لا بتلبسوا ولا عليه بتبصوا
واذا الصايغ ما كواه بحريقوا
وزينوا بحرفة عقل اختصوا
ونقش نقشة خيال على عقيقوا
بصير يبكي الجوهر تحت مقصوا
وهيك الشعر بيعبر مضيقوا
عن كنوز الشعر ضلوا تقصوا
إذا بخيالك ما بتضوي طريقوا
قبل ما تغني لسانك قصوا
يراعك من دموعك بلبل ريقوا
ومن عيون الليل النوم مصوا
حتى المحابر عاصوتوا يفيقوا
بدك تدغدغ الورق بدموع نَصوا
تتذوق من الزهر شهد رحيقوا
رفرف عا زر الورد أغتص بنصوا
تيكتمل جيشك بقائد فريقوا
كل يوم عابستان الفكر شن غاره
بتعصر شهدك من قرص رصوا
.......... .............
بقلم الأديب والشاعر يوشع علي إسماعيل
ليست هناك تعليقات:
إرسال تعليق