♕ بحر الكدب ♕ بقلم الشاعر : د. حسن الشوان
......... بحر الكدب .........
ماشى نافخ عضلاتك
شكلك ملفت للجميع
حتى ف برمة شناباتك
فرده ع وشك الوقوع
مكشوفة قوى حركاتك
والحوول مالى نظراتك
حتى فى دبة خطواتك
بتثبت للناس إنك وديع
الهيبه مش ف برٌم الشنب
وتتكبر على اللى حبووك
وتفتكر الدنيا تكعيبة عنب
وتنسى سيرة أمك وابوك
راجع نفسك وإقرا الكُتب
وركز فى حمالة الحطب
والحليم عند شدة الغضب
ومش كل الورد فيه شوك
حاسب من النفخه الكدابه
اللى بتترعب من النعامه
وتتكبر على كل الصحابه
وتخاف تنام جوة بيچامه
لأن بحر الكدب دايما غريق
.....................................
.... د . حسن الشوان 🇪🇬 .....
تعليقات
إرسال تعليق