.....حكاوي الكبار.....
سمعنا من الأهل عن الكبار حكاوي
انهم العقل والقلب اللي يطبطب ويداوي
قالوا الكبير عايش عشانكم ولكم
وحبه لازم يملي قلبكم
وطاعته لازمة منكم
لقينا في زماننا الخسة والقسوة
أصبحوا طبعهم
هو إحنا مفروض نعيش عذابنا في حبهم
هما فاكرين إن الحياة هتدوم لهم
الدنيا موش ليهم وحدهم
دي زايلة فين راحوا اللي
عاشوا قبلهم القبر في
يوم هيكون سكن لهم
هما سمعهم تقيل
وصراخنا موش بيوصل لهم
عامل كبير وللأسف
هو كتكوت واقع في بير
كل واحد فيهم فاهم
نفسة كبير وهو متعافي وغشيم
بيقول ادوس البشر بمداسي
بيتباهى بقوته وقلبه القاسي
وبيقتل القتيل ويقول انا ناسي
يدعي عليه المظلوم ويقول
يارب اسقيه من كاسي
أصل البعيد مجنون
موش عارف بكره ايه هيكون
هى الصحة بتدوم!!!!!
ده الجسد ساعة الأجل بيزول
وحسابه عند رب العباد مكتوب.
بقلمى/ مدحت عبد الحكيم
ليست هناك تعليقات:
إرسال تعليق