خلاص تعبنا
خلاص تعبت من الشهادات
شهاده هنا و شهاده هناك
أكتب عن الحاضر و الذكريات
عن الي عايش و الي مات
عن الحب و الهجر و الأزمات
و أنشر فى كل المنتديات
شعر و قصص و حكايات
مره حزن و مره فرح و أبتسامات
صباح و مساء و فى أغلب الأوقات
أسعد البشر و قلبى من الحزن مات
صحيت فجأه لقيت العمر فات
و الي باقى منه مفيش غير رفات
تعبت من كتر الكتابة
صعبان عليا الناس الغلابه
مرسوم على وجوههم كآبة
و الخلق فاكر أنهم ديابة
مليت من كتر العتابة
ادافع عنهم دايما بالنيابة
مفيش مره وجدت إستجابة
ناقص أغنى و أمسك ربابة
الشاعر / عامر عبده عامر مصر
ليست هناك تعليقات:
إرسال تعليق