قصيده (صباح وذكريات محبين)
كلمات : مجدي السيد
جمهورية مصر العربية 🇪🇬
تاريخ النشر والتوثيق: 23/10/2026
الصباح يحلى بطَلّة المحبين،
وفنجان قهوة، وكلمتين حلوين.
ــــــــــــــــــــــــــــــــــــــــــــ
وشغلك ماشي، وتقول: يا مُعين،
والشمس طالّة، والجو كله حنين.
ــــــــــــــــــــــــــــــــــــــــــــ
وتعدّي عليك ذكريات من سنين،
وتبصّ حواليك، تلاقي الدنيا ياسمين.
ــــــــــــــــــــــــــــــــــــــــــــ
أصل السعادة مش فلوس ولا ملايين،
دي راحة بال، ولمّة ناس طيبين.
ــــــــــــــــــــــــــــــــــــــــــــ
وإيد في إيد، وقلوب متفاهمين،
وكلمة حنينة تفرّح قلب حزين.
ــــــــــــــــــــــــــــــــــــــــــــ
بس الصباح ساعات يفكّرنا بالغاليين،
ناس كانوا هنا، وبقوا ذكرى في الحنين.
ــــــــــــــــــــــــــــــــــــــــــــ
ولمّتهم وحشتنا مهما عدّت سنين،
وعمر ما يعوّض وجودهم أي إنسان.
ــــــــــــــــــــــــــــــــــــــــــــ
ونحكي حكاياتهم وسط الدموع والأنين،
ونقول: يا رب ارحمهم يا أكرم الأكرمين.
ــــــــــــــــــــــــــــــــــــــــــــ
واجعل مقامهم في الجنة يا رحمن،
وأنزل عليهم رحمتك، يا واسع الغفران.
ــــــــــــــــــــــــــــــــــــــــــــ
وعيش يومك مع حبايبك قبل ما يفوت الأوان،
ولا تأجّل حضن غالي، ولا تكسر خاطر إنسان.
ــــــــــــــــــــــــــــــــــــــــــــ
يمكن بكرة يبقى ذكرى، ونقول: يا ريت كان وكان،
وتفضل حكايات الأحبة عايشة جوانا مهما طال الزمان.
ــــــــــــــــــــــــــــــــــــــــــــ
فالصبح يحلى بالمحبة، والرضا يملأ العين،
والقلب يسعد باللي عايش، ويفتكر الغاليين.
ــــــــــــــــــــــــــــــــــــــــــــ
خلي المحبة طبعك، والوفا ليك عنوان،
وسيب أثر طيب في قلوب الناس مهما طال الزمان
ليست هناك تعليقات:
إرسال تعليق