♕ اسمع كلام المعلم ♕ بقلم الشاعر : صبري عبد الواحد الحساني
كلمات شاعر بني هاشم
الشاعر صبرى عبد الواحد الحسانى
اسمع كلام المعلم
اسمع من غير ما تتكلم
أنا يا ابنى راجل معلم
الكلمة عندى مدروسة
وضربتى لازم تعلم
عمرى ما دخلت نزال
وأرجع ورا وأسلم
أنت عارف قبله أنا مين
أنا مصرى من الصعيد ممكن افوق وانيم
اسمع من غير ما تتكلم
لما الزعيم يتكلم
حاضر وماضى ما تجارنيش
اجداد العالم كله ليهم مقيم
واولادى فى الحاضر اسود
وقت الجد يخلوك رديم
اسمع من غير ما تتكلم
أنا لسه عليك رحيم
لكن لو التنور فار
السما عليك هتغيم
ارضى ما فيهاش نقاش
عليها قدمك مش هيعلم
روحى على أيدى شايلها
ولربى امرى مسلم
اسمع من غير ما تتكلم
أنا يا ابنى راجل معلم
الكلمة عندى مدروسة
وضربتى لازم تعلم
تعليقات
إرسال تعليق