زجل قصيد باللهجة العامية اللبنانية
ملوك الشعر ساقي
قالوا شو بعد عندك باقي
شعر على ضفاف السواقي
تعا شو بدك ورد نقي
من مرجتي وتعطر من وراقي
وأروي قلبك العطشان سَقي
من نبع عا مر الزمن باقي
وكتفك عا قفير الشعر لَقي
تحلا بشهد مختوم بمذاقي
أمير النحل عطاني حقي
عند فحص وراقي بعقل راقي
نحنا ومضى عالوح صقي
وقلي بطعم شهدك ما بلاقي
صرت حَب الشعر فقي
وأزرع مروج الموهبه لعشاقي
ولأجيال الجايِّ جوهر مبقي
حتى ما يسبقني شاعر بسباقي
بفحص در الشعر توقي
يا نقاد الدُر بلجة أعماقي
بس بشرط لا تهجي بِحقي
ولسان الأدب يبقى للعقل واقي
أنا القلت يا أرض انشقي
بلعي كل جاهل عقل شاقي
وضربت الصم بعصاتي وقلت بقي
خير الله تنفجر نبع الزكا
تضل ملوك الشعر ساقي
بقلم الأديب والشاعر د يوشع علي إسماعيل
ليست هناك تعليقات:
إرسال تعليق