♕ اعمل معروف ♕ بقلم الشاعر : أحمد البوهي

 اعمل معروف اوعى تسافر اعمل معروف...

أصلي في بعدك عيشا وحيده

وروحي في غربه وبموت م الخوف....

مش خايفه من حاجه عشاني

أنا خايفه تغيب وتغيب وتطول وتقولي ظروف....

مش كنت تقولي من الأول

إنك هتفوت عمري ولياليا وساعات الليل أهي بتطول....

ونار البعد بتتحول لزمان م الحيره

وزمان الوحده مشتاقه لحضنك وبموت م الخوف....

أعمل معروف اوعى تسافر

طب خدني معاك أعيش في حنانك....

مش تبقى في غربه عايش وحداني

وأنا قلبي فايتني و حاضن ذكراك....

وروحي رايحه مني. ومسحوبه و مسافره معاك....

كلماتي أحمد البوهي ديرب نجم مصر

بعنوان... اعمل معروف...