نبض القلوب
ليه بقت القلوب
ذنب من بين الذنوب
ذنب احب واعاني
وقلبي في الاخر يدوب
ليه القلوب عليا قاسية
تنام تحب وتصحى ناسية
تنسج حروفها باحلى كلام
كلام حنين مليان غرام
اطير معاها ويا حلمى
وبحضن حلمي اتغطي انام
ولما أفتح عينيا
ألقى نفسي في دنيا تانية
كأني ماحلمت يا عالم
كام دقيقة أو حتى ثانية
واعيش في دنيا العذاب
ما هو حلمي راح عني غاب
غاب بعيد فوق السحاب
والسحاب عالي عليا
يادوبك تشوفه عينيا
بعيد وما بايدي حيلة
راحت احلامي الجميلة
والقى نفسي ويا نفسي
حابس نفسي جوه يأسي
ويأسي بحر موجة عالي
وانا مابعرف اعوم
واقاسي من طول الليالي
واغرق في بحر الهموم
والله انا نفسي اتوب
وارمي عني الذنوب
واعيش لوحدي من غير وريد
وانسى يا عالم نبض القلوب
يحيى حسين القاهرة
31 يناير 2018
ليست هناك تعليقات:
إرسال تعليق