♕ فى قلبى حاجات ♕ بقلم الشاعرة : إيمان جمعة رمضان

 فى قلبى حاجات

فى قلبى حاجات زى صندوق الدنيا 

يتملى دقات لما بيحب فى ثانيه

قلبى صغير بس يحير 

ويخدك وياه فى حتة تانية 

فى قلبى حاجات عايزة تطلع 

شكوى ساعات وفرحة تولع

قلبى بسيط بس حويط

ياخدك وياه ماتعرف ترجع 

فى قلبى حاجات حلوة كتير 

زي النسمات وشوشة وسر كبير

قلبى منور جن مصور 

يخدك وياه بعيد ويطير 

فى قلبى حاجات هى عشانك

كل الاوقات محتاج لحنانك 

قلبى لذيذ مغرور وعزيز

ياخدك وياه وتنسي مكانك

فى قلبى حاجات ساكنة جواه 

حبة ضحكات اسمعها معاه

قلبى لطيف رايق وخفيف 

ياخدك وياه وتدوب فى هواه

بقلم ايمان جمعة رمضان 

جمهوريه مصر العربيه