♕ إبن البلد ♕ بقلم الشاعرة : منى العشري
إبن البلد
إبن البلد ياجدع
عمرك أصيل وشجاع
لا يوم خلفت وعد
ولا للكلام بياع
فى الحرب كنت البطل
فى الجبهة كنت دفاع
وعنك حكوا حكايات
فى النخوة والرجولة
والجدعنة بالزات
والشرف والبطولة
يا عزيز النفس إنت
عزك من عزنا
إنت الأصيل ياولد
ولا غيرك يهمنا
يا شايل ع الراس أبوك
وشايل فى المحن أمك
دفعت عن اخوك
دفعت في يوم عن عمك
إنت الأصيل ياولد
دمك بيجرى فى دمى
شهامة ورجولة وبطل
فى الشدة شايل همي
فخوره بيك في البلد
ما انت الولد يا ابني
🌹✍منى العشرى
تعليقات
إرسال تعليق