♕ وصفك خيال ♕ بقلم الشاعر : محمد مصطفى

 وصفك خيال صعب ومحال

يخطر ببال اي بشر

رقه ودلال مالكيش مثال

عالارض او فوق القمر

لساني مش عارف يقول

علشان جمالك مش معقول

لو ُقولت شمس او قمر

بيغيبوا وانتي ما بتغيبيش

لو ُقولت صحرا او مطر

معاكي بس يادوب بعيش

لو ُقولت ليل او سهر

في بعادك انتي ما يساويش

لو ُقولت نجمه في السما

نجوم كتير زيك مافيش

حاولت اقول إنك ملاك

لقيتك اكبر من كده

علشان جمالك شيء هلاك

وما فيش ملايكه بالشكل ده

وصفك مستحيل يتقال

زيك صعب الاقي محال

سبحان اللي عطاكي جمال

فوق حدود كل البشر

وصفك خيال صعب ومحال

يخطر ببال اي بشر

كلمات / محمد مصطفي