........... متحاوليش ...........
متحاوليش معايا أى محاوله
ولا ترواغينى بالفعل والكلام
الإعتراف منك هو سيد الأدله
وبتتبنى عليه كل الأحكام
اللى قولتيه مكتوب بوضوح
وكمان شرحتيه بالمعاملة
و دلوقتى بتنكرى أى تصريح
خلاص دافعى بقا فى المداولة
انتى اللى قولتى وكمان حكيتى
انا برىء منك فى أى حكايه
انا ماليش دعوة تقولى نسيتى
ولا كنت معاكى فى البداية
صدقينى صعبانه عليا صدقينى
مكنتش اتخيل فى يوم تكذبينى
وتقطفى كل ازهارك م بساتيتى
وتقولى للناس ده كان معايا
انا ما شوفتش غير عيووونك
وماارتحتش إلا على جفوونك
ولا عمرى نكرت يوم حنيينك
ولا قوولتلك فى مره كفايه
قولى الا إنتى عايزه تقوليه
وفسرى للناس إللى قولتيه
عشان تاخدى حكم البرائه
من وهم إنتى عشتى فيه
.....................................
..... د . حسن الشوان 🇪🇬 ....
ليست هناك تعليقات:
إرسال تعليق