الباقي تصدق مش كتير
ورقة مكتوبة برعشه
خانه مخنوقه برقم
مختومه أنه مات
تفاصيل محاها الزمن
اخرتك يابني حروف
سيرتك
عمرك
يادوب كلمات
قاسية الايام والله
دايسه
ولما نحاول ندمع دمعة
نقول خسارة ده مات
نندم..نتمني نرجع
نلاقي الباقي عدي وفات
عشت العمر طوله وعرضه
كسبت كتير
خسرت كتير
الطالع زي النازل
العايش زي الميت
قولي ليه نبشك في التراب
هتفضل كده تنفخ في الرماد
الابيض زي الوردي
صدقني الحل في ردي
كله في الاخر جماد
تفتكر الباقي كام
مين هيحاسب دي فاتورة
مين اللي صور
ومين طالع في الصورة
يووووووووو بقي
هي فزورة
هي حياة
تضحك مرة
تجري بسرعه تداري وجعك
تطلع ضحكة تداري الاه
يرجع وجعك متونس بيك
يعيش جواك...تنام جواه
احمدعبدالحق
ليست هناك تعليقات:
إرسال تعليق