أنتي فينك
انتى فينك مش لاقيكى
قلبى مع روحى قالولك
مشتاقين نظره لعينيكى
حتى فى عز المنام
كل حلمى المس ايديكى
انتى فينك ياحبيبتى
روحى تبكى لما غيبتى
كان زمان يحلى السهر
بس غاب عنى القمر
والنجوم تسأل عليكى
انتى فينك؟ طمنينى
عودى تانى واحضنينى
قلبى واقف فى المكان
بس محتاج للحنان
لو تعودى هتسعدينى
قولى اسبابك تعالى
وارحمى طول انشغالى
ولا ناويه تكسرينى
العتاب راح وانقضى
والخصام زمنه مضى
وليه حبيبتى تجرحينى
نبض قلبى فيه نيران
وانتى غايبه عن المكان
عودى راح اقبل جبينك
واسعد العمر وسنينك
بس قولى انتى فينك
شعر احمد اسماعيل / شاعر العرب
ليست هناك تعليقات:
إرسال تعليق