♕ المحكمة ما نصفتناش ♕ بقلم الشاعر : صبري عبد الواحد الحساني
كلمات شاعر بني هاشم
الشاعر صبرى عبد الواحد الحسانى
معلم سابق بمدرسة الإصلاح الزراعى بنجع حمادى بالمعاش
المحكمة ما نصفتناش
قالت المحكمة مش اختصاصى
امال بس اختصاص مين
عايز اعرف ساسى من راسى
احنا برضه بنى آدمين
المحكمة ما نصفتناش
احنا حقوقنا مش واخدين
الاسعار كل يوم بتزيد
واحنا فى مكانا واقفين
رموها على الريس وقالوا
. احنا مش مسئولين
من حقنا نتساوى
مع اولادنا الموظفين
احنا أحق منهم
العلاج حتى مش لاقيين
أصحاب المعاشات يا بلدى
هم اللى ليكى بانيين
ما هماش خيل حكومه
يكبروا ويبقوا منبوزين
وبعدين دى حقوقنا
فى شبابنا كنتوا ليها واخدين
المحكمة ما نصفتناش
وقالوا محناش مسئولين
حكايتكم مش عندنا
احنا منها بريئين
حكايتكم مع الريس
واحنا الريس كلنا عارفين
عمره ما ظلم حد
وفى ربنا احنا عشمانين
رغم أنه حموله تقيله
واللى حولينا متربصين
لكن عشمنا ينصفنا
احنا ملايين مش قليلين
دعانا هيكون ليه سند
وإن شاء الله منصورين
بلاكى انتى يا محكمه
احنا مع الريس هنكوموا مرتاحين
ماهو عمره ما ظلم حد
واحنا اهله ومعاه واقفين
تعليقات
إرسال تعليق