♕ ورده جنوبيه ♕ بقلم الشاعر : نصر سيد بدر

 ورده جنوبيه

أنت حبك سهم صابنى

ما أعرفش ليه تعبنى؟؟ 

وحنان قلبك غلبنى.. 

خلاني  بنيت امال.. 

    ....... 

وعيونك دى مدينتى

ومرسايا وسفينتى

وشفايفك بس انت

دى غايه فى  الجمال

       ......... 

بأتمنى أنى أشوفك

وأشرب حنان كفوفك

لو بس تنسى خوفك

او ينساكى الدلال.. 

       ......... 

اه لو ترجع سنينى.. 

وأنسى معاك أنينى.. 

يرجع ليا حنينى 

وشوق قلبى اللى طال

     ......... 

ده حبك سهم جانى.. 

رجع ليا الأمانى.. 

والحب جه نادانى.. 

عدل قلبى اللى مال

      ......... 

بكتب قصيدتى ليكى

توصف فى جمال عينيكى

لو فيه شك انه ليكى.. 

راح أديكى اماره.. 

انت غايه في  الجمال.. 

وأنت فيه فى بلدك جبال. 

      ........   ...... 

شعر/نصر سيد بدر طلحه القاهره 

@إشارة