$ بقدرة قاااادر $
بقلم/ عماد الأبنودي
**********
يمكن تفاصيلي تبقى ممله
مافهاش أبداً شيء جذاب
وحياتي على بعضها .. إلا
كام سطر يادوب ف كتاب
و حلم معرض في الانهيار
من كتر تعبه جالو اكتئاب
مع إنه بسيط رغم الصراع
نفسه يعدي أشواك و عذاب
مالهاش كتالوج رحلة سنينه
مل القسوة و طول الغياب
رفع رايته البيضه و سلم
ماعادش ... يخد بالأسباب
تقولش الحلم ده طفل لقيط
مجهول النسب بين الأحباب
بيحاول يعيش دور العبيط
جايز يصادف مرة أصحاب
و عيونه تفتح ع دنيا حلوة
دنيا خاليه م هموم و صعاب
يفهم حروف معاني الغنوة
دوارة الأيام فى زمن قلاب
و مهما بعدت مسافات المرسي
ولا تشوف عشمها خااااب
بقدرة قادر مراكبها هترسي
و تلاقي هناها واقف عالباب
،، بقلم ،،
عمااد الأبنودي
4 , 4 , 2024
ليست هناك تعليقات:
إرسال تعليق