♕ كتير مسافات ♕ بقلم الشاعر : سمير صبري
*** كتير مسافات ***
مابين الخطوه والتانيه
كتير مسافات
وبين الروح وتكوينها
صراع الذات
ونفِسَك تمشي / مبتمشيش
وواقف لحظه مع روحك
بتتعجب من الاشياء
ومش عارف ولاقادر
تقاوم شدتك م الداء
فتتخبط وتتمايل
على نَفسك
تصبرها وتهدى أوام
وتفضل واحده
واحده تنام
وتصحى يوماتي
من نومك
حزين وتعيش
مع همومك
وفجاه تلاقي
طاقه نور
تشدك ليها
تجري أوام
وتفرح بيها
من قلبك
فتتبدل سنين حزنك
سنين أفراح
تعيش مرتاح
وترمي الهم
ورا ظهرك
ساعتها قدرت تتغلب
على نفسك
هزمت اليأس
بدأت تحس بالتغيير
جاوبت ساعتها
على نفسك
حقيقي بجد
وضعي خطير
ويومها بجد خدت الدرس
بقلمي /
سمير صبري
...... فارس الحب .......
تعليقات
إرسال تعليق