بيسألوني..
................
بيسألوني انت منين في مصر ؟!
انت من قبليها وألا من بحريها
وألا من حدودها وألا من ضواحيها
قولت.. انا من مصر في كل مكان
ليا فيها بيت وعنوان
وتلاقيني عيني عليها في كل أوان وزمان
أنا من مصر الدافية
اللي فاتحة دراعاتها لضيوفها
قبل أولادها
وبقيت بيتهم التاني
لقيوا فيها الأمن والأمان
زى ما قال القرآن
لقيوا فيها الكرم
ومتفتحه كل البيبان
شافوا ضحكة في عيون صبيه
وفرحة طارحة أمل
على نسمة حلوة معدية
وطفلة شقية جريت على شط النيل
ترسم خطاوي الأمل
على جبين القمر
وتغني وتقول
يا حبيبتي يامصر.
_______________
بقلمي وفاء غباشي
ليست هناك تعليقات:
إرسال تعليق