♕ غرقان ومين ينجدك ♕ بقلم الشاعر : زيدان المرسي
غرقان ومين ينجدك
وانت اللي كنت كبير
مالقيتش إيد تسندك
ولا قلب فيه الخير
بحر الوجع مليان
أشكال علي ألوان
واللي تملي رخيص
هو اللي عام ع الوش
علشان دا أصله خشب
وخفيف وزي القش
لكن الدرر بتغوص
مابتعلي ابدا فوق
زي الدهب والماس
في الأصل رقه وذوق
غرقان ومين ينجدك
وانت اللي كنت كبير
هتلاقي مين يسعدك
ويبقي عنده ضمير
ويخاف عليك م الهوا
م الوحده والتفكير
طب مين هيبكي عليك
لو جار زمانك بيك
مين اللي راح هييع
ومين هيبقي عليك
ومين بأغلي تمن
هو اللي يبقي شاريك
................
زيدان المرسي
تعليقات
إرسال تعليق