(((انتفاضة بابا نويل)))
بابا نويل،،،انهد الحيل
الله يعينو،،،عايش بالويل
/////////////////////////////////////////////
غير اسمو بابا نويل
من كتر ماحكيوا عنو الناس
شطبو وسجل ابو الويل
وصار يطلع بعز الليل
سكران يميل من ميل لميل
يعربد ماشي مهدود الحيل
يقول انا جدع مافي رجيل
ويخلط عباس بدباس
حط على عقلو الف درباس
//////////////////////////////////////////////
قال لاتقولوا حلال وحرام
يا أمة الله قتلني الجوع
قولوا عني ابن حرام
ودع عقلو وصار مصروع
ما بدو يعيش بالدنه منضام
اكلو هموم وشربو دموع
اتعود قلبي على الإجرام
ما بقيت أملك ذوق وإحساس
بعت هدايا كل العام
اشتريت بحقن حبوب وحشيش
وحناني بدلتو بإلاجرام
وعلى كيفي قررت أعيش
بيكفي يا عالم أعيش منضام
معتترمسكين م الدراويش
زلمه جاهل جدبه خام
برصيد عقلو انكتب إفلاس
//////////////////////////////////////////////
كانوا يقولوا عني حنون
طيب وحبيب الأطفال
ما كنت اظن حالي مجنون
وانو اللذه بشرب الكاس
وكان شيطاني هالملعون
متخفي بجلد النسناس
شو كان سافل وندل ودون
خلاني اهيم بشرب الكاس
//////////////////////////////////////////////
أسمع مني يا بابا نويل
تكفر وتلحد هيك مابصير
أرجع رافق نجم سهيل
صاحب عفه حنان وضمير
تنشال ع روس أحبابك شيل
حبيب ع قلوب الكل امير
تزورن يسقوك قهوه بهيل
وتعود للخير بكل حماس
//////////////////////////////////////////////
سمع كلامي صرخ يالطيف
كرامه لطه الطفنا يارب
رجعني زلمه عفيف وشريف
واقنع مهما أمر بكرب
محبوب الكل حنون وظريف
الغيرني،،، هوه الحرب
خلاني اصير سافل ومخيف
بعد ما احبابي راحوا للغرب
اجمعني معهم صرت بخريف
وبنعل الظلم ع طول منداس
//////////////////////////////////////////////
شعر ؛ نذير دهان
ليست هناك تعليقات:
إرسال تعليق