مش إنت
بقلم سامي محفوظ حنا
مش إنت اللي كنت
بتمناه
ولا القمر اللي حلمت
أوصل لسماه
ولا النهار اللي سهرت
الليل استناه
مش إنت رفيق العمر
اللي رسمت طريقي
معاه
إنت متاهه فيها
القلب تاه
ياما شاف منك معاناه
طريقك طريق صعب
صعب صعب توصل
لمنتهاه
إنت ولا حاجة
بعد ما كنت
في حياتي كل حاجة
كنت حب ما مقدرش
أنساه
نسيته لما نسيتني
ولقيت قلبك
مش فارق معاه
مين يستاهل حبه
مين يسكن جواه
فارقتك وأنا عارف
بفارق الحياة
بعد ما ضاع الأمل
اللي كنت بترجاه
كان أملي تمد لي إيدك
وتكون ليا طوق نجاه
كتبت نهايتي بإيدك
لما إستخسرت فيه
قبلة الحياة
كان نفسي قلبك يناديني
وقلبي يسمع صدى نداه
كنت عرفت إنك طريقي
وقلبي يرجع لك بعد متاه
وترجع ليا الحياة
بقلم سامي محفوظ حنا
27/12/2023
ليست هناك تعليقات:
إرسال تعليق