♕ ساعات اقعد وافكر ♕ بقلم الشاعر : أحمد الكمنورى
ساعات اقعد وافكر
واسرح بخيالى واكثر
ابعد بعيد لفوق
قول انت خفه وذوق
هتوصل فى يوم للمراد
بإذن رب العباد
هتوصل للحلول
وتبقى انت مسؤول
عن كل ماتقول
هتتحاسب وتقول ايه
ايه قدمته وايه عملته
وتقول كان وليه
هى الحياة دى ليه
شوية متاع
اوضياع
وكمان وداع
طب كان وليه
وتحكى الحكاية م الأول
والكلام يطول
وتنهيدة واهات
لما العمر فات
بتشكى تانى لية
وتسرح بخيالك
ياترى ايه جرالك
ليه اتغير حالك
واتبدلت الأيام
طب عايز كام وتعيش
عايز العمر مينتهيش
والنهاية محتومة
وبغدر الأيام مختومة
والدنيا مرسومة
بتتمايل وتتعاجب
ياعيني عليك يا غايب
سلملى على الحبايب
فكرهم باللى كان
راحت أيام زمان
وجرى العمر اللى كان
واصبح كأنه ماكان
ياعينى عليك يازمان
تاخدنا مابتدينا
وكله بأيدينا
واعود للمكان
يا جمال نعمة النسيان
فى وقت الأوان
أمان أمان أمان
*بقلمي
#أحمد_الكمنورى
تعليقات
إرسال تعليق