♕ لينا حباااااايب ♕ بقلم الشاعر : عماد الأبنودي
... • لينا حباااااايب *
بقلم /عماد الأبنودي
•••••••••••••
ياما لينا حبايب هجروا
مالناش نصيب فيهم
بعدت بيهم مسافات العمر
و تاهت ياما خطاويهم
كأن الفرقه ديه مكتوبة
وشم منحوت ع الجبين
ومشاعر فينا مش مظبوطة
أهي ضاعت ف غمضة عين
ذنبنا إيه عشان حبينا
و غرقنا في بحور غرام
و عشمنا في حنين الحب
اتارينا عاشقين ... أوهام
اخترنا سكة ماهيش لينا
مليانة حيرة و عذاب أحزان
و الوضع اهو صعب علينا
وحبنا صبح ماضي زمان
حبايبنا ماعادوش حبايب
فارقوا و سابونا الأوجاع
خدنا مقلب العشق الغايب
و اللي باعنا خلاص باع
بقلم
عماااد الأبنودي
20 , 7 , 2023
تعليقات
إرسال تعليق