& حالك (حالِكٌ ) & بقلم الشاعر: شاذلي محمد عبد الرحمن حسن
🌿🌹🌿🌹🌿🌹حالك (حالِكٌ )🌹🌿🌹🌿🌹🌿
يا دنيا . مالك مالك
قوليلنا نعمل إيه
بتخبي عنا جمالك
سيبانا نتعب ليه
ما خطرش يوم على بالك
اللي إحنا عايشين فيه
كل ما نرضى بحالك
بتغيري في معانيه
بتسوقي حتى دلالك
وإحنا أملنا فيه
ويا دنيا حالك ( حالِك )
والعتمة حاطة عليه
إمتى هنيجي في بالك
ونشوف جمال بعينيه
ندعي يارب يا مالك
نورلنا لياليه
دى الدنيا فيها مهالك
برضاك بنمشي عليه
ويا دنيا طالنا عنادك
مسيرنا نقدر عليه
🌹🌿🌹🌿🌹🌿🌹🌿🌹🌿🌹
شاذلي محمد عبدالرحمن حسين
تعليقات
إرسال تعليق