(كان أملي القاك)
أكتر من عمري وشبابي
اديلك ياعمري ايه تاني
إن كان علي قلبي إنت ملكته
وان كان علي عقلي إنت سرقته
يا ابو قلب مليان حنيه
وعيون حلوه وعسليه
ياما نفسي كنت ابقي معاك
ماهو انت اللي انا عيشت أهواك
في خيالي وكان املي القاك
وهويتك من قبل ما اشوفك
وعمري إتعلق بوجودك
واكمل انا عمري معاك
وسنين وانا باستناك
وليالي عيوني سهرانه
بتنظرك وهيا فرحانه
وروحي بتنده علي روحك
سمعاك وسامعه بوحك
بتقولك ياحبيبي فينك
مليش حبيب تاني غيرك
ماهو إنت اللي شغلت البال
وغيرت حالي لغير حال
وقدرت للشوق اتحمل
واملي ياروحي معاك اكمل
وكفايه عليا اتهني بحبك
وتسقيني حلاوة قربك
وياخدني حبك للجنه
ونعيش عمرنا ثانيه بثانيه
وتحلوا في عنينا الدنيا
من غير غدر ومن غير غيره
ونتهني بأيامنا من غير حيره
وليالينا غرام في غرام
ونحقق انا وانت كل الأحلام
خواطر ( أشرف الدغيدي)
حقوق الملكيه محفوظه
ليست هناك تعليقات:
إرسال تعليق