& هستناكى & بقلم الشاعر: محمد البريمى

 شعر غنائى ..

((( هأستناكى )))

هأستناكى العمر كله ..  لو تغيبى ميت سنه ..

مش هأمل م الصبر أبدآ .. إنتى ف القلب هنا ..

إنتى حبيبتى و  شمس حياتى ..  اللى بتدفى آهاتى ..

إنتى أحلامى و  ذكرياتى .. إنتى السعاده و الهنا ..

      هأستناكى العمر كله ..

بأقولهالك بأعلى صوت .. و يسمعوها كل الناس .. 

بحبك يا عمرى و دايب .. دوب ف الإحساس ..

و بأقولها ونا مش خايف .. و بأعلنها كمان ع اللايف   ..

و اللى ف قلبه حاجه  يقولها .. ربك شاهد و شايف ..

      هأستناكى العمر كله ..

مهما يطول بعدك و ويزيد .. مش هيغيب عنى الأمل ..

أنا راضى بالنصيب .. و النصيب هو المحتمل ..

هأصلى لله و أقوله .. ع اللى ف قلبى كله ..

هو منصف المظلومين .. ولا عنديش غيره بدل ..

       هأستناكى العمر كله    

بقلم الشاعر الغنائى..

محمد البريمى ...