& إهدى علينا يا دنيا & بقلم الشاعرة: مارثا بولس

إهدى علينا يادنيا يا مغربانا وفى طريقك تايهيين

بعيد عن حبايبنا وشربنا كاس الغربه وبيه سكرانيين

سحبانا وراكى واحنا عيونا مغمضه وعليكى متلهفين

شوقنا ذاد لحبايبنا والحنيين دوب قلوبنا ومنك يادنيا تعبانيين

طول اليوم فى ساقيه  والفكر مشحون ونروح لبيتنا اخر اليوم مطحونيين

يجى علينا الليل الشوق يقول مواويل والدمع فوق الخدين

اه منك يادنيا قاسيه ماعندك رحمه وقلبنا فيكى حزين

الناس شايفانا فى سعاده والفرح عندنا بزياده وبيسألوا ايه جايبيين

جايبيين همنا نرميه من على كتفنا فى بلدنا امنا بس لشويه صغنتتين

ونرجع تانى لطاحونه غربه والم ووجع ناس نسيونا ويسألونا نقول متغربين

لاشايفين اهالينا ولا حاسين بينا والفرح عندنا قلبه حزين

محتاجين دعوه للدنيا تروق وتحلى وتجمع شملنا احنا وكل الغاليين

(منى لكل المتغربين يحفظ طريقكم ربنا وديما متوفقين)

بقلم مرثا بولس