مهما تعاند الدنيا
••••••••••••••••••••••••••••••••••••
مهما تعاند الدنيا
مهما يمر الزمان
انتى ساكنة روحى
فقلبى مهما كان
ماتهمنيش الظروف
عمرى ماحبيتك بخوف
بتعب واتغرب واشوف
وبيكى بقوى فى كل مكان
وازاى أضعف وانتى
انتى القوة والحنان
قربتيلى ولا غيبتى
ماليش غير حضنك مكان
بحبك بعنف بحبك بلُطف
بحبك فوق الحدود
والعقل والإمكان
انا قلبى عيل وصوته مسمع
يشتاق لنبعك يصرخ يدمع
تسقيه سنين ولاعمره يشبع
ولا عمره بطل كلمة عطشان
مهما تعاند الدنيا
مهما يمر الزمان
ولأنك حبيبة وبنت وأم
لأنك وطن وسكن أمان
مهما الاحزان فحضنى تتلم
بلاقيكى فرحة قبل الاوان
كأنى شايفك بسمع شفايفك
تنطق اسمى تغيرلى الزمان
أنا قلبى عيل وماتفطمشى
بشوقه يحبى وبشوقه يمشى
ومن البكا على صدرك مايشبعشى
ولاعمره يشبع مهما كان
مهما تعاند الدنيا
مهما يمر الزمان
•••••••••••••••••••••••••••••••
حسام الدين صبرى
ليست هناك تعليقات:
إرسال تعليق