الشاعر سيد عبد العظيم ونص كل واحد منا
كل واحد مننا.... بقلبه ماضي ومداريه
ذكري حلوه جوه منه ......وعايشه فيه
أو جرح ساكن بين ضلوعه... و بيكويه
كل فتره بيفتكرها............وتبكي عينيه
والزمان بيّلف بينا ...........مابينتهيش
تضحك الأيام علينا........ وكأننا بنعيش
نحلم بفرحه تملا قلوبنا.لكنها ماتجيش
والآلام جوانا صرخه...........ماتنحكيش
ف عيني دمعه و رافضه تنزل أو تزول
جوايا حلم بقاله كتير على قطر وصول
والعمر ضاع ..........على شىء مجهول
هيفيد ب إيه الكلام ...مهما كنت هقول
وأنا بسمعك... رغم البعاد..رغم السكوت
ومهما كنتي عني بعيد.......عايشه بقلبي
أشواقي ليكي ولهفتي.. ماقدرش أخبي
وإن غيبتي يوم عن دنيتي. أشعر بموت
تحياتي....سيد عبد العظيم
تعليقات
إرسال تعليق