& ما تقولش هانت & بقلم الشاعر: السيد حماد

 

ماتقولش هانت

ــــــــــــــــــــــــــ

كل ماشكي م الحاجه يقولو هانت

أصبر شــــويه وبكره معانا تتعدل

جارت علينا وجــــات علينا ومالت

والبخت مال إيه يعــــــدله لو ميل

ماتقولش هانت

داحنا اللي هنا وعلي أصـــلها بانت

يادنيا بتــدي للمستغني من دمي

وانا المحتـاج بتزودي ف هـــمي

يادنيا ليه بتـــــوزني بكيـــــــفك

إمتي ميـــــزانك يتعــــــدل يمي

ولو اشتكيت يقولو بكره تتعدل

وإيه يعـــــدلها والميــــزان ميل

ماتقولشي هانت

داحنا اللي هنا وعلي أصلها بانت

يادنيا خليها مابينا أخد وعــــطا

وادينا حبه م اللي علـينا ســـطا

بناكلها مـــره بالعــرق والشــــقا

وهوه بياكلها والعـه ومشطشطه

ولو اشتكينا يقولو بكره تتـعدل

وإيه يعدلها والميـــــــزان مـيل

ماتقولش هانت

داحنااللي هنا وعلي أصلها بانت

ـــــــــــــــــــــــــــــــــــــــــــــ

شعر/السيد حماد