♕ يعنى ايه وطن ♕ بقلم الشاعر : د. حسن الشوان

 ....... يعنى ايه وطن........

كفايه يازمن الأزمنه وكفا

ماليش غير حضنك وطن

خدنى من لسعة الألم للدفا

وسندنى من عرجة المحن

وشال الضلمه وإدانى صفا

كل حاجة فيك بقت ممكنه

الدموع فى عينيك ملوونه

على خدودك عامله محزنه

لما شجرة ضلك إتملت شجن

ارجوك يا زمن تاخد بالك

من اللى وراك واللى قبالك

الحقيقة فى طبعك راسمالك

بتزيد غلاوتك عندى ف التمن

ارجوك تراجع تانى حساباتك 

إنا عندى كتير من جواباتك 

فيها صفحات من حكاياتك 

ذكريات عدى عليها كم زمن

انت عارف وفاكر كويس 

طول عمرك مذاكر وكِيس 

وأنت فى الماضى مُدرس

فى افراحى بتفكرنى بالمحن 

مش ح صدقك فى نسيانك 

ولا ح كدب كلمه فى بيانك

الحقيقه واضحه من لسانك

اللى عرفتنى يعنى إيه وطن

.......................................

.... د/ حسن الشوان / مصر ....