♕ حاجات عبيطة ♕ بقلم الشاعر : أيمن بلال

 .. ... حاجات عبيطة ...

ولا تفرق الدنيا ماهي ثانية

ولا تفرق حياه أخرتها فانية

دول يومين هيعدوا ونفارق

ونروح من دنيتنا لدنيا تانية

طب ليه المعارك ونفس أمارة

تاخدك من خسارة لحد خسارة 

ولا تلقي لحياتك طعم أو أمارة

وتخرج خسران حتي طعم الدنيا

ما تفارق كده غلك وصفي نفسك

بلاش تعيش أسير لسواد قلبك

متخليش منصبك وجاهك همة همك

ده نفس بيفراقك والله في ثانية

صالح نفسك راح تلقي نور الحياه

هتلاقي كل جميل عنك مرة تاه

راجع يبتسم ويقولك الله عليك الله 

تلقي حياتك ورد تعيش عطره دنيا

بسيطة وصدقني كلها حاجات عبيطة

صيت زايف وحبة هيصة وزمبليطة

وانت يادوب يويو جوا لعبة عبيطة

سنة تاخد سنة ومفيش سنين تانية

ياشايف العمر لسة فيه باقي إصحي

اوعي تغرك الحياه يومها وللا بكرة

بعد سنين راح تبقي ياصاحبي ذكري

وتكتشف إن حياتك كانت دنيا خاينة 

..... أيمن بلال ....