♕ وآه من جلد الذات يا صاحبي ♕ بقلم الشاعر : إبراهيم شبل
قصيدة عامية
وآه من جلد الذات يا صاحبي
الجرح يسكن قلبك ويزيده أنين
وتبقى الكلمة سكينة،
وتبقى الضحكة حزينة،
وتحس إن الطريق ضاع منك
وإنت ماشي في مفارق واتجاهات.
وآه من جلد الذات،
الدمع يبات محبوس في العيون،
القلب يشيل همومه وحده سنين
والصوت اللي كان يهز الكون
يبقى صدى مكسور وحزين،
والفرحة تبعد عن البيوت
وتسيب مكانها لخيوط العنكبوت.
وآه من جلد الذات،
لما تنسى إنك بني آدم،
من حقه يحلم ويعيش،
ومن حقه يفرح ويقاوم،
ومش كل مرة يقع فيها
يحاسب فيقع بحفر ومطبات.
وآه من جلد الذات،
لما تفضل تحفر في جراحك،
وتعد خسارات السنين،
وتنسى إن الصبح جاي،
وإن بعد الليل الحزين
فيه فجر أمين على الأمنيات.
آه من جلد الذات
واللي كان يعاند موج البحر،
ويقول للمستحيل لأ،
ولما حاصره اليأس يوم
دعا ربه وكأنه ببطن الحوت
فنجا بعمره من موج العاديات،
واللي تمسك بالأمل
عمره ما ضاع وسط المتاهات.
آه من جلد الذات
دنيا مليانة حكايات،
كتيرة من خيال الجدات
وشلل وأقنعة وكلمات،
بيها ينسرق حلمك ويبيع
لك بسوق النخاسة أمنيات،
لكن برضه فيها ناس زي النور
في وسط العتمات.
نار لو زادت تحرق الروح،
وتكسر كل الأمنيات.
آه من جلد الذات
الصبر مهما طال يوم،
له عند رب السما رحمات،
وله بعد الضيق فرج،
وبعد الحزن آبتسامات
قوم يا صاحبي،وارفع راسك
مهما فات،ما تخليش جلد الذات
يسرق منك أجمل الأوقات،
آه من جلد الذات
لاتركن نفسك لشيطان الهوى
راح يسكن فراغات
راح تضيق عليك الدنيا لما
تخنقك الخلاجات
يانفسي الدنيا حلوة جميلة
فبلاش جلد الذات
الأمل حياة لمن دعا بالابتهالات.
وآه من جلد الذات... كله حسرات
لكن الأمل أقوى من كل الآهات.
الشاعر /إبراهيم شبل
تعليقات
إرسال تعليق