♕ قهوة الحب وعبير الورد ♕ بقلم الشاعر : محمد عدلي محمد

 قصيدة: قهوة الحب وعبير الورد

من ديوان ( حلم المدينة الفاضلة )

 

أيوة... لما شوفتك...

كأني شميت الورد...

وشربت قهوتي المفضّلة،

واتفتّحت جوا قلبي طاقة أمل،

وابتسم لي العمر من جديد،

والدنيا رجعت تضحك،

كأنكِ لحظة سلام...

في عزّ الزحمة والتوهة.

 

في عيونك لقيت الحكاية...

اللي كانت بتناديني،

لقيتكِ بعد سفر السنين،

ولقيت الحلم اللي ضاع...

في دروب المستحيل،

في ضحكتكِ شمس...

تشرق من غير ميعاد،

تحضن وجع الليالي...

وتطمن القلب الحزين.

 

لقانا ما كانش صدفة،

ده وعد وقدر...

مكتوب ف سطور الحنين،

من كلامك ...

يتولد ليل منور بالنجوم،

كل كلمة منكِ حياة،

وجودكِ وطن باقي...

ما يعرفش غُربة،

ولا يفهم معنى الرحيل.

 

فلو سألوك عن معنى الهوى... قولي...

أنا لما شفت الحبيب...

كأني شميت الورد...

وشربت فنجان قهوتي،

زي عسل محلاي...

بطعم الوجود والكون.

تحياتي: الشاعر محمد عدلي محمد ـ شاعر دندرة