♕ أنا مَاشِي ݣَرْضَة من حْبَلْ ♕ بقلم الشاعر : ذ. بلعباس المختار

 من الفنان المبدع الشامل الاستاذ بلعباس المختار الشاعر و الزجال الغنائي و القاص و المسرحي و الملحن و المغني الطربي و الرياضي من المغرب 

 

أهديكم يا أحبابي الأفاضل الغاليين المبجلين هذه القصيدة الزجلية الغنائية  

أنا مَاشِي ݣَرْضَة من حْبَلْ

مَحْسُوبْ عَندَكْ غَا شَكْلِي

      رَاهَا كَثْرَاتْ مْعَايَ زَلْقَاتَكْ

بَاغْيَ دِرٍينِي بُورْتْ كْلِي

      فِيهْ تْعَلْقِي كُلْ سْوَارْتَكْ

تَتْحَكي فِيَ و فٓي عَقْلِي

      بْأَفْكَارْ خَايبَة لِّي شَغْلَاتَكْ

أنا مَاشِي ݣَرْضَة مَنْ حْبَلْ

      تَالْفَة جَايَّ يَجْرِي بِهَا لٰوَادْ

أَنَا صَاحَبْ قٍيَمْ و فْحَلٰ

      كٍرِيمْ و وَلْدْ نَّاسْ لَجْوَادْ

مَاشِي تَالَفْ دَايَخْ و بْهَلْ

      َواعِي و مَنْ لْمَشَاكٍلْ بْعَادْ

مَرْضِي وَالِدِيَّ نْقِي مْأَصَّلْ

     مَاشِي فَطْرِيقِي بَحْسَابْ

لْكُلْ عَائِلْتِي جَامَعْ شْمَلْ

     مْعَ جِيرَانَا كْثِيرْ مَصْوَابْ

دِيمَا لَفْعَالْ لْخِيرْ نَوْصَلْ

     عَنْدِي نَّاسْ كُلْهُمْ حْبَاب

قَلْبِي صَافِي بْحَالْ لْبَلَّارْ

     بَلْمَحَبَة و لْمَوَدَة مْعَمَّرْ

مُسَالِمْ مَسْعَافْ و صَابَرْ

     بْكَرَامْتِي مَا نَقْدَرْ نْغَامَرْ

بْحَرْ مَنْ لَحْلِيبْ فَايَرْ

     و مَا عْزِيزْ عْلِيَ نْخَاطَرْ

لِّي طْلَبْتِيهْ مَنِّي حَاضَرْ

     و مُوجُودْ رَاهْ غِيرْ آمَرْ

سْخِي و عَطَائِي وَافَرْ

     تَلْقَانِي حَاضَرْ و قَادَرْ 

لَجْمِيعْ صِعَابْ رَانِ قَاهَرْ

     مَا أَنَا ظَلَّامْ و لَا مَتْجَبَّرٰ

فِيَ غْلَطْتِ كْثِيرْ فْلَحْسَابْ

     دِرِينِي كِي خَاتَمْ فَصْبَاعَكْ

تْعَامْلِينِي بْصِيغَتْ لْكَذَابْ

     رَاهْ هَاذِي لَقْلِيلَة فَفْعَالَكْ

كِي ذُوكْ لِّي مَنْ شَرْ قٰرَابْ

     إِوَ غِ شُوفِي بِينْهُمْ مْكَانَكْ

الشاعر و الزجال الغنائي و القاص 

          ذ . بلعباس المختار 

شرح المفردات :

ݣرضة من حبل : قطعة حبل جرفها معه الواد لا

فائدة لها

زلقاتك : غلطاتك

بُورْتْ كْلِي : حامل المفاتيح بالفرنسية