♕ وين أشوفك ♕ بقلم الشاعر : جاسم محمد الحساني
وين أشوفك
وين أشوفك
يل عفتني
إبنار ضخمة
إبدار ظلمة
وأنا أصيح و أستريح
والخلگ تدري إبعذابي
و گلبي تنور أصبح
و يخبز مصائب
و أنا ذائب
و أنت غائب
گلّي وين أتنطّرك يا ريع گلبي
لو تواعدني إبجهنّم
و أنا أحلم
أزحف إزحوف إعلى عيني
و أحمل إهمومي إبسحيني
النّار و الدّخان صاعد
هم أحبّك
هم أجيك
***
ما أجوز
و رايدك طور الحياتي
لا تقاطعني إبكلامك
تدري أنا إشگد أحبّك
من تمر عيني عليك
***
أخ يا نهتات
تطلع
من نفس كلّه حنان
و انت روحي
و أنا چنّي إگماط
ملفوف إعلى شوگك
إبحلم صاير لك مكان
و الأنانيّة طبع نار إبسفينة
الماي منظر
و الهواء لهثة حزينة
و ذوقي دفتر
و الغزل ناعور يفتر
جرحه خنجر
شايله إبكتره اليضدنه
أحس خياله إبّين إديك
***
گلّي إبيا بلد ساكن
حتّى لو تحت التراب
خرزة ضايع
و أنا بائع
هم ألم إثيابي و أهجر
إبنجمة إسهيل إبسمائي و أعتنيك
***
جاسم محمد الحسّاني 30/05/2026
تعليقات
إرسال تعليق