♕ حرز الفول ♕ بقلم الشاعر : رشدي الأمير
حرز الفول
يحكا أن أن وأن
كان في طفلة شريفة عفيفة
تبدأ يومها بذكر الله
جوه الفصل خفيفة لطيفة
تسمع صوتها تقول الله
مصروف إيدها حاجة بسيطة
بس مكفي بعون الله
مش محتاجة هيصة وظيطة
ليه نكسرها ياخلق الله
لما نخش عليها نكيدها
جوه الفصل الكل شاهدها
نعمل حرز لنعمة في إيدها
ونقيدها جريمة وجاه
وطت راسها ودمعها سال
علشان فولي وصحبة معاه
صبر ابوها عليهم طال
فاكر ربه بيترجاه
ايوه موظف كان غلبان
ضاق الغلب ومر شقاه
علشان فقره ليه يتهان
ليه ظلمينه أو ننساه
صوت الفقر ياخلق أمانة
مش تحريز وجريمة إهانة
ذلو نفوسنا وكسرو ولادنا
يوم اعيادنا بتبقى خيانة
خفوا شوية كفاية غرور
كل الملك ياناس لله
لو محسوبك حب يزور
خلي زيارته في شرع الله
بكرة الكرسي ياعم يزول
تشبع فقر وعدس وفول
حتى كلامي مهش منقول
شعري كلامي بفضل الله
كلمات الشاعر رشدي الامير
تعليقات
إرسال تعليق