♕ دعاء الليل ♕ بقلم الشاعر : د. معمر محمد بدوي
..................
(" دعاء الليل")
والليل... سهى
شق الدعاء... الإنهيار
فجر تعاويذ الريح النهار
و أنا في رجاك لابس... الإنتظار
سكت الكلام
شرد... الصبر
ملت معاي كل المدن الإنحسار
والطيف البعيد حلة الشوق الغبار
كل الألوان الإنكسار
وكل التمني التلاشي وغاب الهزار
يا سكة الزول الرجيم
ودعاء الليل السراب المرار
و أتمنى بس
لو الزمن اللعين يعود
وألقاك في الجرح القديم ضماد الغيار
وألقاك في عز العراك رحمة الإنتصار
يرحل حزن
يعود وراك حزن الصفار
أتوشح عكاز المستحيل
يهزمني القدر
و أقول مليت سفر الإنتظار
لا حاضر هجد
لا الماضي الأمنيات سكن
ولا اللي جاي فرحة الوشاح الخضار
يا منية العز الصريح
ويا تمرة الفؤاد الجريح
هز الزمن عود الشقاق وفات العمار
والنجم الرماد
صنقر عز الخريف
وأعلن عزاك
في عتمة الشك الرفيق
يا ريت الهجود خلود العمر المدار
ويا ريت الثمن
هوان الشراب
ما عز الهوى وضاع شعري العزيز
ضاع في قبلة الوداع
وقبضت السراب والإنتظار
بقلمي/د.معمر محمد
السودان
15/4/2026
تعليقات
إرسال تعليق