♕ فرحة أمل ♕ بقلم الشاعر : جاسم محمد الحساني
فرحة أمل
أحبّك و عايش طور إلك
و أتنفّس إبشوگك عشق
و إجفوني بيك ايرحبن
***
و هم تدري من أشتاق إلك
روحي تغنّيلك طرب
و إعيوني دم ايصبّن
***
و هم تدري دگّات الگلب
يتراقصن مثل الغرب
و إبعرس طلقه ايطگن
***
و هم تدري ديرانك قصر
و إبذكرياتك محتسر
ختله إبعنادة ايهدّن
***
محترق و إبناري أرتوي
و إبذوق حبّك مشتوي
إسهام البعينك ما تكف
بسقام موتي ايجربن
***
إمتانيك و أسهر كل فجر
مستانس إبضخ المطر
حالوب يضربني إمن امر
إبنثر الخيال ايطبّن
***
أنت الوجع بيك إكتمل
لا مو ألم فرحة أمل
و الأمل دخّان الوصل
إطيور إعلى بالي ايقربن
***
هذا العشق ما ينحمل
صوفه إبذهب ما ينعجن
دولابه يفتر بل عقل
و إهمومه عوز ايسلبن
***
أحثر إبـإسمك من تجي
يطري علي طاري البچي
إبن إمّي چنّك لا أعز
إعيونك يرتعن بل فكر
و إمن الحنان ايشربن
***
ماظن أودعك لل أبد
أنت النّفس و أنت العهد
إمحيّرني ساكن يا بلد
و أحلامي ما كضهن سهر
لو بحر غاطيك إبسجن
إقدامي يتبعنّك زحف
و إعلى السّراب ايزحفن
***
جاسم محمد الحسّاني 07/02/2026
18/08/1447 18/11/1404
تعليقات
إرسال تعليق