♕ أهلا رمضان ♕ بقلم الشاعر : د. أشرف جمال العمدة
أهلا رمضان
د-اشرف جمال العمدة
أهلا يا شهر كريم
بتجمع الغايبين
واللقمة تحلى
لو حتى لقمة فول
بتبقى شئ تاني
والأهل والاصحاب
وياك بتتجمع
في فطار يجمعهم
واجمل صلاة تراويح
بصوت جميل نسمع
اجمل كلام الله
وعيال بتجري هناك
فرحانة بوجودك
وسهرانين
بعد السحور للصبح
والليل معك يحلى
شهر الجمال كله
أهلا وسهلا بيك
خليك منورنا
شوارعنا ليك اتزينت
باجمل زينة ونور
ونلم من بعض ونِفرح
ونفرَح الأطفال
رمضان كريم شهر الفرحة
والحب زاد وياك
اهلا وسهلا يا رمضان
د-اشرف جمال العمدة
تعليقات
إرسال تعليق