♕ إنتي الحقيقه كلها ♕بقلم الشاعر : سيد الحلواني

 إنتي الحقيقه كلها

مافيش في الدنيا حاجه أعملها

غير إنى أفكر فيكي

وكل ما احاول أهرب

ألاقيني برجع ليكي

ومهما بعدتي عني

فحضني مستنيكي

نفسي أخطفك ونروح بعيد

لدنيا تانيه مافيهاش بشر

نرسم حياتنا من جديد

مانسبش فيها أي أثر

نروي عطشنا وصبر السنين

نفتح عيونا الخجلانين

من غيرك إنتي أكون لمين

إنتي المعاني نفسها

وكل كلمه بحسها

إنتي السما وإنتي المطر

إنتي ٠٠٠٠٠٠٠الحقيقه كلها

سيد الحلواني