♕ قلبي ليه خايف يعود؟ ♕ بقلم الشاعر : سيد الحلواني

 قلبي ليه خايف يعود؟؟؟

رغم حلفانك بحبي

والليالي والعهود

واشتياقك يوم لقُربي

ولطريق مفروش ورود

بسألك من غير مااخبي

قلبي ليه خايف يعود؟!!!

لسه ماادكش الأمان

عمره ما صدق كلامك

واللي جواه من حنان 

لحد تاني مش عشانك

قلبي سهرته الليالي

يبني وياك قصر عالي

والنهارده ليه نسيته

والحنان بإيديك داريته

إسأله هوه يقولك

ع اللي في بُعدك قاسيته

يعني لو ترحم شويه

تحلا أيامي اللي جايه

اللي لازم نبتديها

م الألف للياء نعيشها

والأماني إزاى تحوشها

فرحتك ليه بداريها

هو ده اللي مخوفني منك

وبسؤالي عرفت إنك

العذاب عندك هوايه

سيد الحلواني