♕ هنتحمل هنتحمل ♕ بقلم الشاعر : أحمد محمود عوض
هنتحمل هنتحمل
و مهما تضيق هنتحمل
تشد اليوم
تلين بعده
و نلبس توب
سنه لوحده
و مهما الصيف
يزيد صهده
هنصبر ليه وهنكمل
هنتحمل هنتحمل
،،
هنتحمل هنتحمل
حصار الأهل و الاخوه
هنتحمل هنتحمل
تعالي النفس و الزهوه
هنتحمل هنتحمل
شماتة بعض مابيسوي
هنتحمل هنتحمل
جحود الفضل و النخوه
هنتحمل هنتحمل
وعود لتاريخي وتأمل
هنتحمل هنتحمل
اغب الموت واتجرع
ولا اساوم علي صوتي
ولا احني الرأس أو اطبع
ولا اتاجر بنبوتي
و مهما حاولوا إذ لالي
او احتالوا علي سقوطي
هتفضل راسي مرفوعه
ولو مالت يكون موتي
انا مصري وامجادي
في كل اماكن الدنيا
و من خيري شبع غيري
بلا منه ولا تانيه ( الاذي)
وكفي عمرها الاعلي
و داري المأوي والحاميه
و لو دار الزمان عني
في مره هترجع التانيه
بقول للدنيا مش هركع
ولو في حصاري كان موتي
هنتحمل عشان بكره
ونكسي الرمله بالخضره
عشان النخل يتعافي
و تنبت كل يوم شجره
يعود الصبح يتباهي
ببسمه وجهنا النضره
ويرجع بحرنا صافي
ورقه نسمتة العطره
يفضل النيل يدوم يجري
وتصحاله الغيطان بدري
ما بين قبلي و بين بحري
اخوه تدوم لها العشره
عشان ابنك عشان ابني
وتفضل مصر روح تبني
هنتحمل صعاب اليوم
وبعد العسر رح نجني
هنقسم لقمة الخبزه
معاها الملحه ماتعيبني
ولا يكسرني بحصاره
قريب أو اخ بيبيعني
بنشقي نجهز الزرعه
شهور مع شحة الترعه
نشوف السنبله طالعه
يهون الصعب و يعدي
عشان يفضل لنا الأزهر
و مسجد عمرو والمنبر
تضل كنيسة العزرا
معاها معابد الاقصر
نطالع موسي بيعاين
تجلي الخالق الأكبر
يا مصري اصحي لبلادك
و احفظ مجد أجدادك
ميراثك صونه لاولادك
ذئاب الشر بتكشر
احمد محمود عوض سعيد
الرحامنة فارسكور دمياط
تعليقات
إرسال تعليق